影片
更多
6天前
0 瀏覽
見到網店prepaid成人有7折，長者6折，咁抵⋯就諗都唔唔諗就訂左位一坐底就有每位磯燒鮑魚同埋清酒粕香焗龍蝦半隻🦞生蠔即開同鱈場蟹腳係基本啦🤓creamy又鮮甜，好有海水味；回本位仲有冰鎮海鮮～爽口既海螺、海蝦同青口等日式區域有各式刺身，有阿根廷紅蝦、帶子、赤貝同油甘魚款款都新鮮肥美，仲有特色壽司最特別係爐端燒！有和牛牛肩肉～油花入口好油潤；和牛牛舌唔韌又爽口，口感細膩；燒鰻魚、雞泡魚乾、多春魚、大蝦、雞軟骨等等，好似係居酒屋咁聞到好香濃既味道，原來係烤肉區有照燒汁鴨肝飯團～ 入口香濃豐腴，飯粒有鴨肝油份同香味，食左幾轉.同場仲有好少有既燒熊本豚肉，豬肉味重又多汁，口感唔肥膩；慢燒美國頂級西冷牛扒同焗保雲蘇香草羊架，肉質柔嫩富肉汁，熟度岩岩好～無乾柴感，有扒房水準冷盤都好吸引，日式炙燒吞拿魚、巴馬火腿配蜜瓜同煙挪威三文魚，仲有吞拿魚他他配黑魚子白酒啫喱，我都好鍾意，入口款款都好清新～.熟食區選擇多到唔知食邊款先😅有清蒸沙巴龍躉、煮白蜆、照燒大西洋鱈魚、味噌香橙醬醃三文魚，冰梅欖角醬燒骨，依幾款要讚下好好食甜品區有金箔白桃櫻花慕絲蛋糕、即焗抹茶櫻花疏乎厘、水信玄餅配沖繩黑糖，仲有招牌芒
一坐底就有每位磯燒鮑魚同埋清酒粕香焗龍蝦半隻🦞
生蠔即開同鱈場蟹腳係基本啦🤓creamy又鮮甜，好有海水味；回本位仲有冰鎮海鮮～爽口既海螺、海蝦同青口等
日式區域有各式刺身，有阿根廷紅蝦、帶子、赤貝同油甘魚款款都新鮮肥美，仲有特色壽司
最特別係爐端燒！有和牛牛肩肉～油花入口好油潤；和牛牛舌唔韌又爽口，口感細膩；燒鰻魚、雞泡魚乾、多春魚、大蝦、雞軟骨等等，好似係居酒屋咁
聞到好香濃既味道，原來係烤肉區有照燒汁鴨肝飯團～ 入口香濃豐腴，飯粒有鴨肝油份同香味，食左幾轉
.
同場仲有好少有既燒熊本豚肉，豬肉味重又多汁，口感唔肥膩；慢燒美國頂級西冷牛扒同焗保雲蘇香草羊架，肉質柔嫩富肉汁，熟度岩岩好～無乾柴感，有扒房水準
冷盤都好吸引，日式炙燒吞拿魚、巴馬火腿配蜜瓜同煙挪威三文魚，仲有吞拿魚他他配黑魚子白酒啫喱，我都好鍾意，入口款款都好清新～
.
熟食區選擇多到唔知食邊款先😅有清蒸沙巴龍躉、煮白蜆、照燒大西洋鱈魚、味噌香橙醬醃三文魚，冰梅欖角醬燒骨，依幾款要讚下好好食
甜品區有金箔白桃櫻花慕絲蛋糕、即焗抹茶櫻花疏乎厘、水信玄餅配沖繩黑糖，仲有招牌芒果拿破崙，再配幾杯Mövenpick杯裝雪糕係指定動作啦～仲有無限飲紅白酒、啤酒果汁汽水，完全飽到不得之了🫢
張貼
