南亞1964 (已結業)

新既南亞餐廳係老店結業之後再係禮頓道開張。新店既裝修以白色為主，感覺幾舒服，而且比舊店闊落好多。服務亦好左好多，無晒黑口黑面既阿叔，而招呼我地既亞姐都好好禮貌、好有笑容同服務都非常週到，都好耐無見過咁真誠既服務羅。至於食物方面，我地叫左個海南雞飯同咖啡牛腩飯。兩個賣相都不差。海南雞飯-似港式既白切雞多，有骨，雞肉唔夠"林"，而且好肥好多油。飯就都唔係好油，但係就唔夠香。而且醬油都唔正宗都無黑醬。所以就話似白切雞多過海南雞飯。至於咖啡牛腩飯，牛腩幾"林"，但係就食唔到咖喱既香辣味道，係非常港式既咖哩。食物同以前舊店差唔多，不過如果來呢到食既人都唔應該要求正宗既東南亞食品，感覺同亞爸亞媽來佢地會好鐘意。而且呢到服務真係好好，雖然對食物有d失望，但因為佢地既服務咁好都會再來。