影片
更多
2018-09-05
28 瀏覽
小弟喜愛食串燒, 去親外地旅遊, 例如泰國、台灣、日本, 都會去串燒店或者街邊串燒搵食。我一直都覺得, 香港其實有潛力發展港式串燒, 奈何之前「串燒」一直係香港飲食界未有咩勢力。但經過今日, 我feel到呢股「串燒」勢力已經漸漸起革命了。係Openrice搜尋過, 發現到呢間港式串燒店, 於是約埋幾個朋友一齊去食下。一打開佢張餐單, 目不暇及, 好多款選擇。店員出於禮貌, 原本推薦我們試試佢地的套餐, 話有刺身好抵食。但因為我地的原意係食串燒, 於是都係唔食套餐, 散叫算, 而且真係有好多好多款食物選擇。除了正常串燒會有的肉類、蔬菜之外, 呢度仲有燒海鮮食, 好吸引呀! 另外, 店家一開始會每人送上一個醬料盤, 入面有三款, 包括類似食泰式生蝦的酸辣汁、粗鹽、以及醬酒等等, 好貼心。今次我同朋友們都完全無節制咁狂點食物, 而家一一為大家介紹: 1. 墨汁墨魚腸 ($15/條): 又粗又大又飽滿的墨魚腸, 唔好以為睇落去黑色好似好核突咁, 但食落真心彈牙又夠香, 好有口感的腸。 2. 燒豬頸肉 ($38一份): 呢度係X2的份量, 因為原本我地以為係一串上得兩三舊, 點知原來係盤上, 所
我一直都覺得, 香港其實有潛力發展港式串燒, 奈何之前「串燒」一直係香港飲食界未有咩勢力。
但經過今日, 我feel到呢股「串燒」勢力已經漸漸起革命了。
係Openrice搜尋過, 發現到呢間港式串燒店, 於是約埋幾個朋友一齊去食下。
一打開佢張餐單, 目不暇及, 好多款選擇。店員出於禮貌, 原本推薦我們試試佢地的套餐, 話有刺身好抵食。但因為我地的原意係食串燒, 於是都係唔食套餐, 散叫算, 而且真係有好多好多款食物選擇。除了正常串燒會有的肉類、蔬菜之外, 呢度仲有燒海鮮食, 好吸引呀! 另外, 店家一開始會每人送上一個醬料盤, 入面有三款, 包括類似食泰式生蝦的酸辣汁、粗鹽、以及醬酒等等, 好貼心。
今次我同朋友們都完全無節制咁狂點食物, 而家一一為大家介紹:
1. 墨汁墨魚腸 ($15/條): 又粗又大又飽滿的墨魚腸, 唔好以為睇落去黑色好似好核突咁, 但食落真心彈牙又夠香, 好有口感的腸。
2. 燒豬頸肉 ($38一份): 呢度係X2的份量, 因為原本我地以為係一串上得兩三舊, 點知原來係盤上, 所以黎到有咁大碟。不過我地相信, 就算叫一份, 份量都一定好夠4個人食。呢度的豬頸肉非常爽口, 燒得好香, 加上泰式醬汁伴碟, 反而真心好似泰式燒豬頸肉咁, 抵讚。
3. 腐乳雞串 ($22/串): 當你以為會好重口味咩!? 又唔係wor, 聞落去好香的味道, 但食落去一D都唔會咸, 唔會重口味, 只有淡淡的腐乳味。而雞肉亦燒得唔錯, 有肉汁, 唔會乾身。
4. 雞軟骨($15/串): 略帶咸味, 唔會淡而無味, 加上燒得夠透, 軟骨爽口。
5. 脆卜卜雞皮($15/串): 固名思義啦, 好似食薯片咁脆, 咬落去真係「索索」咁聲架。不過本人會略嫌燒得太乾, 無左雞油香味。
6. 厚切牛脷($58/串): 初初睇餐牌, 覺得牛脷都咁貴既。但當上碟之後, 就明白佢係貴得有價值。真係非常厚切, 但燒出黎絕對唔韌, 非常爽口, 夠哂Juicy又充滿牛味。
7. 芥末凍鮑片($48/份): 食咁多熱氣野, 當然要黎一份冷盤啦。鮑片爽口新鮮, 但留意芥末味好強, 第一啖入口勁「攻鼻」, 我自己無咩所謂, 但唔食得芥末的朋友要留意呀。
8. 熊本一口牛($38/串): 望落去燒得唔錯, 有牛味, 亦有肉汁, 唔會燒得過熟而韌。但係估計係俺的時間唔夠耐, 略嫌唔夠咸味, 比較清淡的。
9. 燒白鱔串($58/串): 呢個係餐廳的推薦菜式, 果然名不虛傳。首先, 食鱔最怕有泥味, 呢度完全沒有。其次, 食鱔又怕多骨, 呢度亦處理妥當, 唔會多骨。雖然經過燒烤, 但竟然可以做到皮脆有肉汁, 魚味突出。個人認為質素真係好好。
10. 煙肉芝士大蘑菇($38/份): 身為芝士控, 點可能會放過任何芝士類的食物呀。講真, 成餐飯我最期待的就係呢道菜。新鮮燒烤的芝士大蘑菇, 一切開, 望住流質的芝士, 外皮香脆內裡溶化, 這是完全令人難以抗拒的食物。而且呢度燒烤的功夫很好, 絕對無將大蘑菇燒乾, 相反大蘑菇依然Juicy無比, 呢個配搭真係無得輸!
11. 燒蒜蓉包($22/一份四件): 又係一樣令人難以抗拒的食物。呢度的蒜蓉包除了搽了蒜蓉醬外, 亦額外加上蒜蓉係包上面, 再經適當的燒烤, 個陣蒜蓉的香氣頓然爆發開來, 真係會令人感到好幸福的美食。
呢間串燒店, 有誠意、有質素, 價錢亦尚算公道。最重要係食物選擇種類多之餘, 極大部分的質素都非常好, 唔會過咸或過淡, 而且師傅燒烤的功夫亦到家, 無一樣食物你會覺得燒過龍。真心希望香港會有更多的燒烤店, 係香港飲食界發展出一股勢力出來!
張貼
