利豐打冷小廚

營業中

休息中

冬菇亭除咗食回憶食人情味，其實小炒都真係好出色利豐打冷小廚餐牌選擇好豐富，潮州菜同地道港式小炒乜都有胡椒豬肚蜆湯($95)白胡椒恰到好處，少少微辣，加埋海蜆湯頭更加鮮甜，蜆肉大粒冇沙，豬肚爽口彈牙京蔥尖椒爆鮮魷($90) 食親大排檔都一定會叫鮮魷，今次唔叫椒鹽鮮魷，試下新花款，呢碟鮮魷尖椒味好濃郁，惹味得嚟又唔會蓋過魷魚嘅鮮味，魷魚片爽脆嫩滑紅燒乳鴿($58)上枱熱辣辣，外皮炸得好脆，同埋都幾乾身，冇咩滴油，大部分位置都好嫩滑，滷水汁夠入味揚州炒飯($47)炒飯粒粒分明，口感乾爽唔油膩，足料又大碟，兩個人係冇可能食得晒，要打包拎走