時新漢堡飽 (已結業)

時新漢堡包以前叫時新快餐店，有勁多年歷史，舊舖喺紅磡站落紅磡條天橋嘅橋底，早幾年時新兩兄弟分道揚鑣各有各做，分咗兩間舖，今次我哋路過黃埔新天地，入去時新食個包先！ 😋 漢堡芝士包 $26 一個單層芝士包24蚊，26蚊可以喺芝士、蛋同火腿入面加一樣，29蚊就可以加兩樣。包入面用咗時新醬，即係佢哋嘅秘製沙律醬。漢堡扒係純牛肉，會爆啲肉汁出嚟嘅，因為每個包每塊扒都係即刻整！配埋酸酸甜甜嘅時新醬非常非常夾，不過小編表示後悔無加蛋，加埋仲正！ ⭐️評分⭐️（5⭐️為滿分）味道 ⭐️⭐️⭐️⭐️⭐️ 環境 ⭐️⭐️⭐️⭐️ 抵食 ⭐️⭐️⭐️⭐️