華立茶餐廳

營業中

休息中

那夜凌晨，我坐上了旺角開往大埔的紅VAN......weekend起身食番個港式早午餐先！呢間大埔友熱推嘅茶記，果然名不虛傳，分開兩個相鄰舖位，但係長期都其門如市。一份午餐包咗牛油餐包、火腿奄列、一碗粉同杯嘢飲，都係三十幾蚊，經濟又抵食。咁一場嚟到就肯肯定要加多$6，轉餐包做菠蘿油啦！新鮮出爐嘅菠蘿油，外層金黃色、脆仆仆，內層鬆軟。外脆內軟、熱辣辣嘅麵包入面夾住半溶化嘅冰凍牛油磚，三重複雜嘅口感，簡直令人一試難忘，想食完再食！奶茶同檸檬茶嘅茶底都香，尤其係奶茶，奶同茶嘅比列啱啱好，非常順口、香滑。對於平時唔會叫雪菜肉絲米嘅人來講，最怕就係雪菜有一種怪味，但呢度嘅雪菜相信會改變你對雪菜嘅觀感。特餐入面嘅煎蛋豬扒湯意，塊豬扒煎得夠香，啱啱好乾身又唔會冇晒肉汁，十分出色。