Made in HK Restaurant (已結業)

朗豪坊新開左一間港式西式餐廳，係正戲院門口，地點方便到不得了。除咗餐廳名充滿港味，店內裝飾都參考傳統冰室，座位闊落，坐得幾舒服。食物方面都幾具特色，金沙黃金薯條顧名思義就係鹹蛋炸薯條，外層鋪滿鹹蛋炸粉，一放上枱已經香味四溢，薯條香脆又夠熱，食到出煙，再點上黑松露醬，味道意外地配合。焗紙包蒜香蜆意粉係廚師推介之一，成包錫紙意粉端上枱，再由店員幫忙打開。一打開有輕微的白酒香傳出，之後是蒜香，蜆肉全部都冇砂而且幾新鮮，蜆的數量都幾多，食完意粉都未食完蜆。蒜同辣椒焗的意粉特別惹味，意粉又無over cook, 保留了應有的口感。近期喜歡上了beef wellington, 喜歡它豐富的口感，還有嫩滑的肉肉。Made in HK的威靈頓牛柳配松露蘑菇汁，牛肉juicy, 酥皮充滿牛油香，夾心仲有一塊咸火腿，味道的層次又多一種。蘑菇汁用來配飯或意粉會更好，薯菜唔係唔好，只係薯條通常都會用來點番茄汁，要完美食晒蘑菇汁就最好用澱粉類。吉列紫薯西多士真係第一次見，好有香港特色，除咗夾心的紫薯，其他嘢真係似足茶餐廳西多，本來鹹的西多，加了紫薯夾心之後居然轉咗做甜品，紫薯味都幾濃，幾特別。如果想再食多啲野可