堅韓燒 (已結業)

好耐冇睇燒山 YouTube ，惗起燒山提過堅韓燒係佢哋，入去試下。整體不過不失，但佢間嘢都幾唔 prof. ：啲煎鍋唔預食客落油，啲嘢食比如帶子、魚柳，初初唔知點燒，好彩叫左牛油金菇、牛油🌽，有個錫紙兜，放左落錫紙兜牛油煮，燒肉唔夠油就倒返牛油落煱燒。佢啲豬頸肉、雞，一係冇掩，一係韓式醬，唔落油，一燒就燶 … 啲料其實勁似白石燒烤、燒烤樂園 package 果類，係港式 BBQ 包裝成韓燒。最唔韓式係燒肉係完全冇預生菜去包肉、亦都冇抽油煙機 (冇落油其實都冇乜油煙) … Menu 係冇乜菜，得八小碟果隻熟左嘅菜可以 order 。不過，都有嘢好嘅，就係送左塊安格斯肉眼扒，應該算比較貴嘅食材，香港 BBQ 慣都識燒，佢哋有準備一支海鹽、一支黑椒，只係塊牛似乎未解凍，要放到最尾先好燒，未唔係一燒就碎開晒。