海安咖啡室 (已結業)

一直對於舊嘅冰室有一個情意結，飲奶茶食西多士亦都成為咗我嘅習慣。海安咖啡，1952年開店直到宜家，已經有60幾年歷史。 店舖嘅外面仍然係舊貌，入到裡面有時光倒流既感覺。由於差唔多收舖，裏面嘅人唔多，阿姐一坐埋黎就好親切問我想食乜嘢，就叫左佢哋嘅招牌「香蔥碎牛炒蛋厚多士」加上我最鍾意嘅凍奶茶。如果喜歡紅豆冰呢度嘅紅豆奶茶亦都係招牌。作為地道香港人，呢度嘅食物同飲品毋庸置疑。 厚多士夠乾身，十分脆口，蔥花蛋十分之香口，食完十分滿足，現上奶茶，茶濃奶滑坐咗一陣我發現原來好多都係遊客，而且好多都係台灣人，我同隔離個台灣女仔傾左一陣計，原來台灣人去旅行好鍾意黎香港嘅冰室同食點心。另外一角，剛剛是台灣節目正在取景介紹，可見台灣人都好欣賞港式茶室。中環鬧市之中能夠保存一間有歷史嘅冰室真係好難得，食物夾雜人情味係冰室既可貴。