嘉禧餐廳 (已結業)

位置啱晒中環白領放工晚餐。一入到室內，用湖水藍配橙黃色基調就似法國小鎮嘅餐廳，仲有一大盞華麗水間燈，算係增色不少。係一間幾浪漫，Cozy幾Warm嘅法國菜小館。食環境，食氣氛，算係情侶佳選！睇睇佢地出自Four Season Hotel主廚嘅主菜係點先！Slow Cooked Rosemary Spring Chicken with Asparagus $248春雞肉嫩，熟成度剛好，外皮烤得好甘脆，唔會好重Rosemary味。配菜方面，蘆筍係一個亮點位，新鮮多汁之餘，配埋啲醬汁一齊食就更帶出佢嘅鮮甜。車厘茹亦不俗，叫值回票價啦！Cheese Cake $68芝士香味濃，唔會太甜口，份量算大件，兩個人Share都夠。雲石紋做得好靚，如果綠茶味可以再出少少會更吸引。Lobster Soup $98龍蝦甘味都幾濃，少量龍蝦肉，加咗Sour Cream做調味，帶出咗龍蝦鮮味之餘，亦都有平衡甘味之用。