影片
更多
2023-09-03
79 瀏覽
打風前天氣悶熱，想搵d 酸酸辣辣嘅嘢食下，開胃啲。放工就就腳灣仔搵下，見到佢個對比較抵嘅二人套餐就嚟試下，有前菜，又有兩餸又有一款魚仲有飯。另外鋪路由陳設到餐具都好配合到個風格，絕對無hea 食嘅感覺。前菜小碟夫妻肺片香油嘅味道充滿整個前菜，辛辣嘅類型屬於後勁，第一口之後就會慢慢加強，非常刺激。牛肚同牛肺十分爽口，冷盤咁食相當好味。涼拌免耳尖當然就唔係真係免耳啦，其實係涼拌雲耳，醋味就最適合涼拌，但辣度就相對無咁勁，雲耳都好爽口，酸酸地令人梗加開胃。酸菜粉條鮮魚酸菜魚湯底十分之濃嘅酸菜味之餘又唔會無哂魚嘅鮮魚，份量絕對夠兩個人以上食，魚肉爽滑，而且魚片無骨可以放心食用。建議可以用一半白飯自己浸一個酸菜魚湯飯，熱天最啱食。土匪豬肝鐘意食豬潤嘅朋友一定唔可以錯過，豬膶厚薄適中所以令到唔好炒得過老，保持到嫩滑嘅口感，加上配料同醬汁咁爆炒。撈飯首選！川椒回鍋肉回鍋肉嘅豬肉肥度足夠令到回鍋肉除左川椒嘅香辣味，仲有濃厚嘅豬油香。辛辣度點到即止，唔會麻得太過份，食到停唔到口，又係一個無得唔配飯嘅小菜，另外鑊氣都好夠，未上檯已經聞到香。順帶一提套餐仲可以每人揀一款燉湯或者飲品。燉湯真係足料兼足火喉，飲
前菜小碟夫妻肺片
香油嘅味道充滿整個前菜，辛辣嘅類型屬於後勁，第一口之後就會慢慢加強，非常刺激。牛肚同牛肺十分爽口，冷盤咁食相當好味。
涼拌免耳尖
當然就唔係真係免耳啦，其實係涼拌雲耳，醋味就最適合涼拌，但辣度就相對無咁勁，雲耳都好爽口，酸酸地令人梗加開胃。
酸菜粉條鮮魚
酸菜魚湯底十分之濃嘅酸菜味之餘又唔會無哂魚嘅鮮魚，份量絕對夠兩個人以上食，魚肉爽滑，而且魚片無骨可以放心食用。建議可以用一半白飯自己浸一個酸菜魚湯飯，熱天最啱食。
土匪豬肝
鐘意食豬潤嘅朋友一定唔可以錯過，豬膶厚薄適中所以令到唔好炒得過老，保持到嫩滑嘅口感，加上配料同醬汁咁爆炒。撈飯首選！
川椒回鍋肉
回鍋肉嘅豬肉肥度足夠令到回鍋肉除左川椒嘅香辣味，仲有濃厚嘅豬油香。辛辣度點到即止，唔會麻得太過份，食到停唔到口，又係一個無得唔配飯嘅小菜，另外鑊氣都好夠，未上檯已經聞到香。
順帶一提套餐仲可以每人揀一款燉湯或者飲品。燉湯真係足料兼足火喉，飲落好舒服，無味精，鐘意飲湯嘅朋友可以試下！
張貼
