影片
更多
2016-05-26
3494 瀏覽
終於考完最後一個大學既學期試，馬上同fd去sogo thankful week買嘢，之後諗住帶佢去試上次試既十二味牛肉麵，不過一見到條隊我就放棄，因為太肚餓加上隔離又有間係十二味食麻辣既，所以入左黎試下。呢度係食麻辣燙同乾鍋，我地一人叫左一碗麻辣燙，碗麵大到爆，餸係勁多！我Fd叫既烏冬，有椰菜，金錢肚，金菇，鮑魚片，萵筍我既米線，有帶子，酥肉，青椒，娃娃菜，茶樹菇食麵一定係飲湯呢樣係常識，湯面舖左好多香料既粉，有麻椒粉，辣椒粉，孜然粉，仲有啲我唔知既香料，仲有埋芝麻！湯加芝麻係好香既組合！湯係小辣，真係唔算好辣，不過佢既"麻"做得好出色，啖啖都有"麻"，但係唔會累積令你個嘴食咩都一樣味或者食唔到嘢，"麻"得好爽又好溫柔。我成日周圍食麻辣黎講，呢個湯既質素好高！香，麻，辣，清，齊哂！所謂清，係無乜紅油(講真，有啲地方食油多過食辣，一係肥一係肚痛，真係唔太健康)米線同烏冬既質素不過不失。我地叫既餸係完全唔同，所以我地夾埋一共試左10款餸，有啲小小推介同心得1. 食草人士有福喇~佢啲素菜類既餸多到爆，好似食極都有咁2. 其中有個餸叫酥肉，有用孜然醃既豬肉，之後有微微炸過，所以肉好鬆化好香3.
呢度係食麻辣燙同乾鍋，我地一人叫左一碗麻辣燙，碗麵大到爆，餸係勁多！
我Fd叫既烏冬，有椰菜，金錢肚，金菇，鮑魚片，萵筍
我既米線，有帶子，酥肉，青椒，娃娃菜，茶樹菇食麵一定係飲湯呢樣係常識，湯面舖左好多香料既粉，有麻椒粉，辣椒粉，孜然粉，仲有啲我唔知既香料，仲有埋芝麻！湯加芝麻係好香既組合！湯係小辣，真係唔算好辣，不過佢既"麻"做得好出色，啖啖都有"麻"，但係唔會累積令你個嘴食咩都一樣味或者食唔到嘢，"麻"得好爽又好溫柔。
我成日周圍食麻辣黎講，呢個湯既質素好高！香，麻，辣，清，齊哂！
所謂清，係無乜紅油(講真，有啲地方食油多過食辣，一係肥一係肚痛，真係唔太健康)
米線同烏冬既質素不過不失。我地叫既餸係完全唔同，所以我地夾埋一共試左10款餸，有啲小小推介同心得
1. 食草人士有福喇~佢啲素菜類既餸多到爆，好似食極都有咁
2. 其中有個餸叫酥肉，有用孜然醃既豬肉，之後有微微炸過，所以肉好鬆化好香
3. 帶子其實幾好食既，無急凍味，肉質都幾鮮，不過$22只有5粒
4. 好中意食青椒既人，食到烚完都係爽口既青椒，係幾抵讚既
5. 到最後，誠意推介酥肉，青椒，萵筍，金錢肚，鮑魚片，娃娃菜，都係正既，份量又多！
帶子同鮑魚片~(鮑魚片係抵食好多)
酥肉真身
呢度既服務都好好，會主動加水俾我地飲，店員都好Nice~P.s. 飽到夜晚都無乜點食嘢
張貼
