海都車仔麵茶餐廳

營業中

休息中

講到旺角返工，相信返工的朋友們都一定會知道一個慳錢食飯地方，就是就熟食中心。在旺角街市附近，經朗豪坊商場行過去一兩分鐘就到。熟食中心全層有各種飯店麵店小炒店，而早幾日我和Foo就食了車仔麵，一間可以叫車仔麵，又可以叫餸飯的餐廳小店—— 海都車仔麵茶餐廳。正常$43有三個餸加一杯飲品，之後再加餸就$7一款。今次人均消費費大概$70左右，食到飽一飽又有飲品跟，補充完能量繼續返工。點餐紙上面有着各式各樣的車仔麵餸材，金菇菜，豬軟骨，咖喱魷魚，豬紅，咖喱豬皮，蘿蔔，冬菇，唐生菜……以上大多都是我通常會叫的。海都的冬菇，超級大隻，比起屋企過逢過節會煮的冬菇還要大，入口軟身有厚度有口感，每次必叫。另外咖喱魷魚亦都非常出色，咖喱味道完美滲入魷魚，魷魚口感爽彈滋味。蘿蔔和金菇菜亦都是必要，因為湯底揀選了清湯加沙嗲汁，湯中的靈魂精髓滲透了蘿蔔和金菇菜，每一口都是夠入味。湯底鹹中帶甜，再加有沙嗲風味，試過就知好味過其他車仔麵餐廳。Foo就例牌會叫牛肚，牛柏葉，香草雞扒…這類有肉感，有咬口的餸材。跟我一樣都是叫沙嗲汁湯底，大家一試就知海都湯底的特別之處。