揀得啱車仔麵 (已結業)

今日同同事去左呢間揀得啱車仔麵，點左一份豬紅、豬軟骨同埋牛腩條既小辣湯底，比較特別既係佢有魔芋絲，仲要話係生硐魔芋絲，出於好奇底下就試下，覺得質感同口感都唔錯！幾彈牙幾好咀嚼，我幾鐘意。麻辣湯底都幾惹味幾好飲，豬紅都幾滑而且好入味，不過豬軟骨同牛腩條就比較硬，冇想像中咁好食。整體黎講，都係中規中矩，成個餐架埋要$59，比起同期附近既麵尊來講價錢要貴少少，但係食物質素就低左少少！比我推介我會揀麵尊！好食好多，如果大家經過行過，不妨過多一個街口去試試麵尊！