潮州人 (已搬遷) 新店位置

因為之前經過蜜瓜爺爺，所以都想去試吓喺隔離嘅花膠湯米。座位算舒適，因為2個人坐4人枱。嗌嘅嘢食都好快上枱，可能因為唔係太多人。———————————————嗌咗花膠湯米同牛肉湯米。花膠有兩片，都紋得幾淋，但所謂嘅雞湯湯底一啲味道都無，令人失望。牛肉質感幾好，食得出係鮮牛，但完全無牛味，配上好似清水咁嘅湯底真係搞唔掂，要狂加辣椒油先叫有返啲味道。自問唔算重口味但真係清水咁嘅湯底真係搞唔掂，應該唔會再黎。嗌咗兩碗米加兩杯豆漿埋單就$122，CP值唔高，有好大嘅進步空間。