影片
更多
2024-09-09
1838 瀏覽
一直都想試試餐廳嘅順德私房菜，終於約齊家人，呢日過到嚟叫咗以下食物:螺頭炖翅骨湯 - 炖湯用上螺頭、翅骨、老雞及豬肉等食材炖製，個湯好香濃好鮮甜，但同時又保持到好清，水準好高。冰鎮鮑魚配燒汁芥辣醬 - 鮑魚個頭唔細，食落爽口彈牙，很新鮮，配上惹味微酸攻鼻嘅燒汁，更能調出鮑魚鮮味及令人開胃。懷舊蝦多士拼大良炒鮮奶 - 呢個組合簡直係順德菜嘅經典，外面唔係好多地方可以食到，蝦多士炸得香脆唔油膩，蝦膠層好厚，食落彈牙鮮味，好出色。大良炒鮮奶第一啖已食到鮮奶香味，而且火喉掌握得很好，沒有過老，係我食過最好嘅炒鮮奶之一。北菇扣鵝掌煲 - 北菇很厚很入味，但唔會過咸，鵝掌炆得好淋，入晒味之餘，鵝掌還能保持完好，可見火喉時間都拿捏得好好。乾煸野菌龍躉球粉絲煲 - 龍躉球好厚身，外層煎香，又吸晒啲薑蔥味，食落啖啖肉，加埋索晒味嘅粉絲，整個煲都很有穫氣很香。古法瓦罉豉油雞 - 豉油雞肉質嫩滑多汁，而且很有雞味，汁醬甜甜哋好惹味，啲汁拎嚟餸飯都好味。上湯浸時蔬 - 雖然看似簡單，但食完就知不同之處，菜心很嫩很清甜，上湯浸完令菜心留有鮮味，加上少少火腿絲，為整道菜添上咸香，不錯。招牌名門炒飯 - 炒飯很有穫
螺頭炖翅骨湯 - 炖湯用上螺頭、翅骨、老雞及豬肉等食材炖製，個湯好香濃好鮮甜，但同時又保持到好清，水準好高。
冰鎮鮑魚配燒汁芥辣醬 - 鮑魚個頭唔細，食落爽口彈牙，很新鮮，配上惹味微酸攻鼻嘅燒汁，更能調出鮑魚鮮味及令人開胃。
懷舊蝦多士拼大良炒鮮奶 - 呢個組合簡直係順德菜嘅經典，外面唔係好多地方可以食到，蝦多士炸得香脆唔油膩，蝦膠層好厚，食落彈牙鮮味，好出色。大良炒鮮奶第一啖已食到鮮奶香味，而且火喉掌握得很好，沒有過老，係我食過最好嘅炒鮮奶之一。
北菇扣鵝掌煲 - 北菇很厚很入味，但唔會過咸，鵝掌炆得好淋，入晒味之餘，鵝掌還能保持完好，可見火喉時間都拿捏得好好。
乾煸野菌龍躉球粉絲煲 - 龍躉球好厚身，外層煎香，又吸晒啲薑蔥味，食落啖啖肉，加埋索晒味嘅粉絲，整個煲都很有穫氣很香。
古法瓦罉豉油雞 - 豉油雞肉質嫩滑多汁，而且很有雞味，汁醬甜甜哋好惹味，啲汁拎嚟餸飯都好味。
上湯浸時蔬 - 雖然看似簡單，但食完就知不同之處，菜心很嫩很清甜，上湯浸完令菜心留有鮮味，加上少少火腿絲，為整道菜添上咸香，不錯。
招牌名門炒飯 - 炒飯很有穫氣，材料有蝦仁、叉燒粒及菜梗粒等，飯粒炒得乾身，整體很好味。
紫米露 - 飯後送上湯水結尾，紫米露好足料，有紫米及芋頭，少甜有椰汁香，為呢餐畫上完美句號。
家人對餐廳嘅食物品質及服務一致好評，食材新鮮，廚師巧手廚藝，令看似簡單調味嘅餸菜，做到恰到好處，出面已經很少地方食到順德菜，大家對呢餐都好滿意，已經諗緊下次幾時再去幫襯。
張貼
