牛霸小麵店 (已結業)

✨灣仔出色台灣美食✨.最近去咗係灣仔天樂里嘅台式餐廳 #牛霸小麵店 食晚餐，餐廳位置有啲隱蔽，裝修同一般台式餐廳唔同，座位不止夠寛闊，仲以黑色為主帶啲工業風，牆身掛上霓虹燈做裝飾，仲有隻充滿設計感嘅裝飾，好cool呀🖤.🔻鹽酥雞滷肉便當（7.5/10）$60🔻凍珍珠奶茶+$10整份便當有5舊鹽酥炸雞，外層炸得金黃酥脆，雞肉都幾嫩滑好食；而白飯上面仲有惹味嘅滷肉汁，男朋友都話好食😋至珍珠奶茶就唔錯，加$10好抵飲呀！.🔻紅燒牛肉拌麵（8/10）$68每件牛肉都炆得啱啱好，口感夠晒軟腍唔鞋口😻仲好入味；拌麵除咗有汁，仲有條條幼細青瓜絲做配料，平均番個油膩感，整碗都好食♡.🔻秘制小茄子（8/10）$35鍾意茄子必叫，茄子淋上佢獨有嘅秘製醬汁，再加埋佢啲肉鬆😻開胃之餘，有啲意外茄子原來同肉鬆咁夾，我好鍾意呢碟(✽´ཫ`✽).🔻肉燥青菜（7/10）$28相對其他冇咁特出，就係新鮮嘅生菜拌上入味嘅肉燥～.👉🏻整體都唔錯，而且係以灣仔銅鑼灣地段黎講，呢個價錢都好抵食，上面人均$100食到好飽，有機會去開附近會再去食٩(ˊᗜˋ*)و..