牛壹台食 (已結業)

有日行開灣仔，見到有間新開張賣台灣菜的小店！佢又有做緊特價，咁就入去試吓！🍡麻辣雞腎麻醬好香🥰之前都食過出面啲店，雞腎都會整得比較硬身，只有醃料！但呢間的雞腎係我覺得煮到好軟熟好淋身，真係超級好食！但係食到最後真係愈黎愈辣🥴🍡古早味清燉牛腩麵見到呢度啲牛腩麵可以轉做關廟麵！😮😮我之前從來都未聽過關廟麵，但我男朋友話關廟麵係好嘢嚟㗎 ！後來上網查，原來關廟麵係台南嘅手工麵！因為製造嘅方法天然，所以關廟面比傳統嘅面更加Q口，更加耐煮！但從肉眼嚟睇，關廟麵比起一般米線幼身，比金邊粉粗身！食一啖之後發覺個湯底好清甜，牛腩又煮得夠淋身，雖然有少少肥膏，但係比例上又唔算多喎！瘦得嚟牛味好香，口感好豐富！🍡必食滷牛飯一般食開既滷肉都係豬肉，第一次見到滷肉係用牛肉😮😮食落牛味濃同香口，而且有雪菜作配搭，夾埋黎食好有台灣的風味！🍡金桔檸檬茶🍡百香果紅茶台式飲品普遍黎講都太甜😅