Maison Meiji (已結業)

520想試下新口味食和風料理，去咗灣仔嘅一間和風喫茶店食飯，餐廳喺一座好靚嘅歷史建築入面，環境好舒適，氣氛好放鬆。我地試咗佢哋嘅柚子酸汁漢堡扒同吉列蝦蛋包飯，套餐配忌廉蘑菇湯同埋沙律。蘑菇湯好滑好好飲。沙律新鮮爽口，配醬汁好開胃。柚子酸汁漢堡扒，漢堡扒好肉地又多汁，柚子味道令人驚喜，仲減少咗油膩感，配埋雜菌更加健康。飯用咗珍珠米，好飽滿，食咗之後好滿足。主食嘅味道偏濃，漢堡扒上面嘅蘿蔔蓉就可以清一清味蕾。吉列蝦蛋包飯，仲有燒汁牛肉配蘑菇。吉列蝦好大隻好多肉。蛋包飯嘅蛋完全覆蓋曬啲飯，就咁食又得，撈埋燒汁牛肉一齊食就別有一番風味。飲品就試咗佢哋嘅福澤綠茶同埋Jasmine drip coffee。福澤綠茶帶有清清地淡淡嘅苦味，啱啱好配合兩粒甜甜地嘅綠茶蕨餅。Jasmine drip coffee 真係有茉莉茶嘅香氣，凍飲又好解渴又好消暑。