影片
更多
2024-11-22
224 瀏覽
好耐冇同爹哋媽咪出街食飯，朋友話灣仔一間潮州菜好唔錯，就做個乖乖女早早book位，帶佢地佢哋食晚餐。豉汁蒸鱔 $268醬汁濃郁，鱔肉好肥美，非常下飯，雖然醬汁濃味，但係都冇掩蓋到鱔嘅鮮味。鵝掌 $128食潮州嘢當然要叫潮式滷水，佢哋嘅滷水款式選擇好多，不過媽咪鍾意食鵝掌，所以我哋最後就揀咗鵝掌，滷水汁唔會過鹹，調味啱啱好，鵝掌亦都幾大隻，高質。手打魚蛋粉 $68河粉滑溜，魚蛋大大粒粒好爽彈，而且魚味好出。香煎韭菜果 $55好有驚喜嘅呢一個韭菜果，香港唔多地方有得食，皮薄而且煎得酥脆，韭菜香口中帶點點油潤，餡料好juicy。潮式水晶包 $48福果甜芋泥 $38叫咗兩款潮式甜品試試，兩款都唔錯。水晶包有蓮蓉同埋豆沙口味兩者都唔會太甜，幾啱長輩口味，而且質感綿密，皮帶點點煙靭口感。芋泥就好扎實嘅口感，無好似坊間好多舖頭咁加入豬油，比較健康。～～～薈潮軒 (灣仔)灣仔聯發街18號1樓
豉汁蒸鱔 $268
醬汁濃郁，鱔肉好肥美，非常下飯，雖然醬汁濃味，但係都冇掩蓋到鱔嘅鮮味。
鵝掌 $128
食潮州嘢當然要叫潮式滷水，佢哋嘅滷水款式選擇好多，不過媽咪鍾意食鵝掌，所以我哋最後就揀咗鵝掌，滷水汁唔會過鹹，調味啱啱好，鵝掌亦都幾大隻，高質。
手打魚蛋粉 $68
河粉滑溜，魚蛋大大粒粒好爽彈，而且魚味好出。
香煎韭菜果 $55
好有驚喜嘅呢一個韭菜果，香港唔多地方有得食，皮薄而且煎得酥脆，韭菜香口中帶點點油潤，餡料好juicy。
潮式水晶包 $48
福果甜芋泥 $38
叫咗兩款潮式甜品試試，兩款都唔錯。水晶包有蓮蓉同埋豆沙口味兩者都唔會太甜，幾啱長輩口味，而且質感綿密，皮帶點點煙靭口感。芋泥就好扎實嘅口感，無好似坊間好多舖頭咁加入豬油，比較健康。
～～～
薈潮軒 (灣仔)
灣仔聯發街18號1樓
張貼
