牛壹台食 (已結業)

尋晚係灣仔食咗間台灣嘢叫做「牛壹台食」，我哋叫咗招牌紅燒牛腱心牛肉麵、金鳳梨紅茶、海苔鹽酥雞、台式滷肉拌飯同埋皇牌珍珠鮮奶茶。招牌紅燒牛腱心牛肉麵 - 我選擇咗唔要辣，有兩塊牛腱肉、一舊應該係牛腩同埋一舊牛筋，先講湯底，因為好啱我口味😋佢哋紅燒湯同一般嘅唔相同（可能我哋走辣嘅關係）覺得佢哋湯比較鮮甜，我勁like 👍🏻牛腱肉、牛腩同埋牛筋都好淋兼且入味。酸菜唔會太鹹或太酸，絕對係幫牛肉麵加分！同埋佢哋標榜係鮮製幼麵，麵質更好食，而且比較健康。台式滷肉拌飯 - 佢哋嘅滷肉唔似出面嘅只有碎肉，呢度嘅肉係有大有細、形狀不一，似係手工切肉，所以口感上比較豐富。而味道方面都係偏向甜啲，所以又中我口味🥰碗內重有半顆滷蛋、小棠菜、酸菜同埋日式醃漬黃蘿蔔片。