風雲丸 (已結業)

睇完戲成夜晚9點幾，行左黎灣仔食拉麵，都仲幾多人等緊，想食風雲丸好耐，依家終於有機會！鋪頭其實都幾細，而位又多，所以感覺都幾逼，好在每個位下面都可以擺袋，都仲可以！因為仲飽飽地，所以叫左兩個麵就算，見其他人叫餃子，個賣相幾得意，下次有機會先試！特濃山椒魚介沾麵個人好喜歡魚介，而沾麵又無咁滯咁，所以感覺好好，山椒有少少似胡椒味，辣辣地，我就再叫多左隻蛋，總覺得食麵要有蛋先完滿！但隻蛋太熟，蛋黃熟左囉！如果多d京蔥就好！而豚肉係ok，有d炭火味，好香！食完可以加水可以飲埋d湯！豚肉魚介拉麵係沾麵的變奏版，但有京蔥，感覺再完美d，個湯無咁咸，飲落去剛剛好！麵質麵彈牙！