Pinot Duck (已結業)

平時喺灣仔食晏，食到都唔知食咩好，今日經過見到開咗一間新嘅鋪頭，睇佢個名就知道係食鴨，見佢set lunch唔算好貴，就入左去試下我叫左前菜係片皮鴨，main係steak。以為前菜食片皮鴨會好細舊，點知黎到係係包好咗嘅片皮鴨，裏面好足料，所有配料一應俱全，片皮鴨除咗皮，亦都有厚厚嘅肉主菜係steak，問過侍應應該無得揀幾成熟，不過黎到嘅牛扒都唔錯，應該超過五成熟，但都唔會太韌，亦有肉汁。最後加多壺茶，就可以消消滯。不過大家飲呢個茶嘅時候要小心辣手，因為佢係鐵壺，餐廳用繩去綁住壺嘅耳仔，但係其實條繩會有少少走位，唔小心掂到就真係會熱親呀！