影片
更多
2022-10-18
78 瀏覽
星期日放假同屋企人去飲茶，揀左呢間位於灣仔軒尼詩道既龍點心，新開左一段時間，等左一陣終於入得，新張期內每人仲有兩款宮廷點心送添，又幾好食😋一龍大滿足 ($62)呢款啱哂我呢啲選擇困難症既人，一次過試哂六款人氣點心，有酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃、鹹蛋黃墨魚燒賣同豌豆桃子✨酸菜魚鳳眼餃: 平時好少食酸菜魚，第一次見到點心上面加左酸菜魚，魚肉嫩滑無骨，鳳眼餃辣辣地都幾惹味☺️✨蟹粉菠菜香蝦餃: 呢個賣相好吸引，上面加左三文魚籽，咬開聞到好香蟹粉味，配埋菠菜同蝦肉做餡，鮮味十足✨筍尖蝦餃皇: 蝦餃皮晶瑩剔透，餡料彈牙，正✨松露野菌晶瑩餃: 藍色既餃皮包住炒過既黑松露野菌，濃郁既黑松露味係正既😆✨鹹蛋黃墨魚燒賣: 小心爆汁既墨魚燒賣，墨魚膠爽口彈牙，中間有鹹蛋黃汁，口感豐富🥰✨豌豆桃子: 外表好似壽包既豌豆桃子，甜甜地又幾特別懷舊燒賣 ($38/4隻)試過墨魚燒賣要試埋原味既懷舊燒賣，加入豬肉同香菇，都唔錯鳳尾蝦多士 ($56/3件)呢款蝦多士係媽咪最愛，一客三件既蝦多士熱辣辣，用上原隻鳳尾蝦放係麵包上面一齊炸，蘸上沙律醬都好好食😋大澳蝦醬鮮魷卷 ($52)將鮮魷切粒
星期日放假同屋企人去飲茶，揀左呢間位於灣仔軒尼詩道既龍點心，新開左一段時間，等左一陣終於入得，新張期內每人仲有兩款宮廷點心送添，又幾好食😋
一龍大滿足 ($62)
呢款啱哂我呢啲選擇困難症既人，一次過試哂六款人氣點心，有酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃、鹹蛋黃墨魚燒賣同豌豆桃子
✨酸菜魚鳳眼餃: 平時好少食酸菜魚，第一次見到點心上面加左酸菜魚，魚肉嫩滑無骨，鳳眼餃辣辣地都幾惹味☺️
✨蟹粉菠菜香蝦餃: 呢個賣相好吸引，上面加左三文魚籽，咬開聞到好香蟹粉味，配埋菠菜同蝦肉做餡，鮮味十足
✨筍尖蝦餃皇: 蝦餃皮晶瑩剔透，餡料彈牙，正
✨松露野菌晶瑩餃: 藍色既餃皮包住炒過既黑松露野菌，濃郁既黑松露味係正既😆
✨鹹蛋黃墨魚燒賣: 小心爆汁既墨魚燒賣，墨魚膠爽口彈牙，中間有鹹蛋黃汁，口感豐富🥰
✨豌豆桃子: 外表好似壽包既豌豆桃子，甜甜地又幾特別
懷舊燒賣 ($38/4隻)
試過墨魚燒賣要試埋原味既懷舊燒賣，加入豬肉同香菇，都唔錯
鳳尾蝦多士 ($56/3件)
呢款蝦多士係媽咪最愛，一客三件既蝦多士熱辣辣，用上原隻鳳尾蝦放係麵包上面一齊炸，蘸上沙律醬都好好食😋
大澳蝦醬鮮魷卷 ($52)
將鮮魷切粒加埋三色椒同蝦醬拌炒，再用網狀春卷皮包住拎去炸，外面脆卜卜，但略嫌蝦醬味不夠突出😝
脆脆富貴紅米腸粉 ($48)
賣相非常吸引，紅米腸粉顏色鮮艷，配埋三款醬: 豉油、花生醬同泰式酸辣汁，腸粉皮包住蝦春卷，口感層次豐富
龍蝦汁墨魚燒賣 ($42/3隻)
試過鹹蛋黃墨魚燒賣幾好食一於試埋龍蝦汁墨魚燒賣，以為會好似鹹蛋黃咁爆汁但呢個唔覺有，有少少美中不足既係食唔出有龍蝦汁🥲
張貼
