影片
更多
2023-10-13
21 瀏覽
✒懶人先睇總結.❀食物：種類選擇夠多，食物都好足料❀服務：斟茶好密手👍 收野都好快手🤣❀環境：位置闊落，裝修好大氣，坐得舒服，冷氣好夠大❀價錢：2人埋單 $2,255✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有興趣再詳細睇.灣仔的總店一直都係米芝蓮一星中菜，未有機會去之前先試試位於尖沙咀的分店。打開餐牌就已經介紹創辦人係前福臨門主廚，主打正宗的高級粵菜。選擇困難症既朋友可以選擇叫Tasting Menu，有每位$1000及$1500的調和五味套餐。不過套餐既野我地唔啱食，所以今次就散叫試試。.🎈蟹肉燴官燕 ($550/位)年紀大開始中意食湯羹，味道其實有點似平時食魚翅個隻湯羹，不過呢款就有蟹肉增添鮮味。當中仲食到一絲絲燕窩，口感好順滑。.🎈蜜汁叉燒 ($420)一份都好多下，有做到少少燶邊。醬汁味道濃郁，叉燒軟滑有醬香味。.🎈釀焗鮮蟹蓋 ($250/隻)期待已久的蟹蓋，將餡料釀入蟹蓋再焗至香脆。餡料有一絲絲蟹肉，配搭洋葱同白汁味道鮮香。.🎈蝦子竹笙扒豆腐 ($290)重口味人士會喜歡的蔬菜類菜色，因為有滿滿蝦子增添咸香風味。加上夠索汁既竹笙同豆腐，風味十足。.🎈七福脆皮雞
✒懶人先睇總結
.
❀食物：種類選擇夠多，食物都好足料
❀服務：斟茶好密手👍 收野都好快手🤣
❀環境：位置闊落，裝修好大氣，坐得舒服，冷氣好夠大
❀價錢：2人埋單 $2,255
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有興趣再詳細睇
.
灣仔的總店一直都係米芝蓮一星中菜，未有機會去之前先試試位於尖沙咀的分店。打開餐牌就已經介紹創辦人係前福臨門主廚，主打正宗的高級粵菜。選擇困難症既朋友可以選擇叫Tasting Menu，有每位$1000及$1500的調和五味套餐。不過套餐既野我地唔啱食，所以今次就散叫試試。
.
🎈蟹肉燴官燕 ($550/位)
年紀大開始中意食湯羹，味道其實有點似平時食魚翅個隻湯羹，不過呢款就有蟹肉增添鮮味。當中仲食到一絲絲燕窩，口感好順滑。
.
🎈蜜汁叉燒 ($420)
一份都好多下，有做到少少燶邊。醬汁味道濃郁，叉燒軟滑有醬香味。
.
🎈釀焗鮮蟹蓋 ($250/隻)
期待已久的蟹蓋，將餡料釀入蟹蓋再焗至香脆。餡料有一絲絲蟹肉，配搭洋葱同白汁味道鮮香。
.
🎈蝦子竹笙扒豆腐 ($290)
重口味人士會喜歡的蔬菜類菜色，因為有滿滿蝦子增添咸香風味。加上夠索汁既竹笙同豆腐，風味十足。
.
🎈七福脆皮雞 ($320/半隻)
朋友指明要點脆皮雞🤣 雞皮自然香脆，但肉質依然保持嫩滑。一口下去可以食到雞油既香氣！肉質薄的位置會更入味哦~
.
🎈芒果凍布甸 ($80)
芒果布甸可以話係我既童年回憶，想當初次次去酒樓食飯都要叫來食🤣！滿滿芒果肉，布甸滑溜。
.
🎈蛋白生磨杏仁茶 ($80)
年紀大之後就開始中意養生類少少的甜品，所以就開始喜歡杏仁茶。細個好好奇點解杏仁茶無茶葉但會叫杏仁茶，後來就慢慢明白到「茶」有時只係一種烹調方式。大家都係用水沏出來的，所以咪叫茶🤣
.
言歸正傳，呢到既杏仁茶都係有香濃的杏仁味。口感上加左蛋白所以會有d咬口咁，如果喜歡順滑口感的話可以叫店員唔要蛋白。
.
🎈茶芥 ($30/位)
.
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒其他小資訊
👉訂位：Phone Booking
👉優惠：🈚️
張貼
