博多拉麵別天神 (已結業)

與友人相約午聚交換禮物，兩口子就決定中午簡單啲喺附近新開o既「博多拉麵別天神」食碗湯麵。小店只有九個圍繞著開放式廚房o既吧位。吧枱上擺有自助餐具、凍茶及調味料。亦貼有用料不含味精之聲明。頭頂仲有多盒名牌紙巾供食客任用。兩個大男人都覺得一碗麵未必夠飽，所以每人都叫咗個餐食。友人叫咗個「蝦味噌套餐」，$115包咗一碗蝦味噌豚骨湯麵配小龍蝦蟹子沙律。別天神套餐（$105）之餃子：餃子散叫有六件，跟餐則有四件，皮薄餡軟嫩，可口美味。別天神套餐（$105）之豚骨湯麵：豚骨湯麵個豚骨湯底濃郁香滑，而且毫不油膩，兩片薄薄o既豚肉軟腍唔嚡口，加上幼幼o既麵條爽韌易入口，連同雲耳食又增添脆脆o既口感。