HOKO Farm (已結業)

Hoko Farm是日小弟同家姐去咗灣仔銀行搞啲戶口野，搞下搞下搞到成七點，夜咗，唔知食咩好，家姐又有約跟著行下行下去到一間裝修幾特別幾靚嘅餐廳，呢間餐廳叫Hoko Farm，原來係同北海道牧場餐廳嘅分店嚟㗎。一睇餐牌，覺得野食嘅價錢都幾經濟，話哂都係港島，仲要灣仔區，所以我就決定叫一個set，就叫咗香煎羊架伴薯角。羊架幾稔下，又唔羶，估唔到呢個價錢會食到高質素羊架，個汁好好味，係經典燒汁，薯角係紅皮薯仔做，幾好啊！再加一杯莓子梳打大家去開灣仔都可以試下啊！