六角

營業中

休息中

喺灣仔光明街有間隱世日式居酒屋食午餐，午膳定食午餐高質又好抵食。午餐定食仲會附送沙律，前菜，茶碗蒸，雪糕。小食明太子青椒青椒預先刮走部分椒籽，食落無咁辣又無咁刺激，取而代之嘅就係饟入明太子，青椒嘅本身嘅味同明太子嘅鮮味做配搭，好出色。天婦羅粟米餅原粒新鮮粟米做材料，食落粟米嘅甜味更突出，口感爽口又香脆。油炸但食落唔油膩。六角魚生飯定食估唔到魚生飯都幾抵食，新鮮又多種類嘅魚生共冶一爐，角切魚生本身好厚，食落口感好充實而滿足，刺身嘅味道配搭都似乎有講究過，所以味道好平衡，唔會互相過份搶味。吉列豬扒定食豬扒厚薄適中，令到唔會炸嘅火喉太難控制，所以做得幾好，剛剛夠熟，唔會炸到過老。食落仍然充滿肉汁。豬扒表面粉漿唔會過厚影響口感，亦炸得夠乾身唔油膩。飲品日本益力多乳酸巨峰乳酸梳打呢兩杯需要推薦俾唔太可以飲酒嘅人。