Nebraska Member of Louis Steak House (已結業)

見到餐廳名特別，搜查了看看，原來是以前有40年歷史的樂意扒房Louis’s steakhouse 接班人。呢間舖裝修新淨，有一大邊落地玻璃，陽光輕輕的曬入來，坐喺窗邊食飯，多了一份寫意。午餐豐儉由人，由$188到$390都有，但來到扒房梗係食牛扒啦，同朋友叫左兩款牛扒分享。洋蔥湯洋蔥湯同一般餐湯不同，清甜的洋蔥味，感覺無味精亦沒有過多的調味，好大碗但好快忍唔住飲晒。老闆娘話係用牛骨湯熬製的湯底，經常會轉換不同的湯品。蒜蓉包好脆，蒜蓉味香，真係有些水準！美國極級肉眼牛扒 $390牛扒超大塊，兩個人分享都食不完。按老闆娘建議揀5成熟，肉質粉嫩色不韌，燒的生熟度控制得好好。牛扒只加了鹽，味道簡單直接，可以好好品嘗到牛肉味。美國極佳級厚燒牛小排 $380每日限量5份，揀左5成熟，牛小排切好上枱，排列整齊，看起來好吸引。油脂分佈平均，用上鹽作調味，油香味撲鼻。配菜有沙律菜及薯仔，薯仔十分香口，忍不住吃了很多。招呼好好，坐得好舒服；見有間格可以提供約十人的私人空間，一班人來食飯都可以自成一角。