影片
更多
2022-06-06
601 瀏覽
今日嚟到灣仔板神分店，想同朋友慶祝生日食個lunch， 呢間餐廳個lunch set包左好多款食物，夠哂抵食！首先嚟嘅前菜有三樣，分別就係螢光魷魚、芝麻豆腐&日本海草😋😋螢光魷魚個味道超級特別，一咬落去果下係會爆汁🤩🤩好有驚喜！芝麻豆腐嘅味道其實有啲似芝麻糕，好重芝麻味😋日本海草就有少少酸酸地嘅味，食落都幾開胃～之後嚟嘅係蟹肉雜菜沙律，啲菜同蕃茄都好新鮮，同埋隻碟好靚😍❤️食落都特別開胃～然後就輪到刺身，一共有三款，師傅仲教我哋食刺身嘅次序係要逆時針食，咁先突顯到唔同刺身嘅鮮味🤩果然最後食嗰塊赤身係最好食😋同埋佢啲刺身都好大件！食完刺身之後就嚟左隻好靚嘅碟，上面係牛油果蟹肉沙律，仲有啲三文魚子同埋蕃茄粒係頂，外觀好靚👍🏻😆食落去都好新鮮～之後就輪到師傅燒野食比我地，第一樣嚟嘅就係帶子👍🏻帶子大大粒、啖啖肉😍上面仲有啲魚子醬～就連嗰碟都係貝殼形🤩真係好靚！！然之後就係燒法國鵝肝，厚厚嘅一塊鵝肝燒到個皮好脆，再夾落迷你漢堡包一齊食，個感覺就唔會咁油膩～而且好香🤩❤️不過都幾飽肚🙈然後就輪到燒澳洲龍蝦🦞，龍蝦啲肉超級彈牙，仲要加埋佢地個自製嘅龍蝦膏汁，真係好入味！🤤😋之後師傅燒咗啲蔬菜比我地食，
今日嚟到灣仔板神分店，想同朋友慶祝生日食個lunch， 呢間餐廳個lunch set包左好多款食物，夠哂抵食！
首先嚟嘅前菜有三樣，分別就係螢光魷魚、芝麻豆腐&日本海草😋😋螢光魷魚個味道超級特別，一咬落去果下係會爆汁🤩🤩好有驚喜！芝麻豆腐嘅味道其實有啲似芝麻糕，好重芝麻味😋日本海草就有少少酸酸地嘅味，食落都幾開胃～之後嚟嘅係蟹肉雜菜沙律，啲菜同蕃茄都好新鮮，同埋隻碟好靚😍❤️食落都特別開胃～
然後就輪到刺身，一共有三款，師傅仲教我哋食刺身嘅次序係要逆時針食，咁先突顯到唔同刺身嘅鮮味🤩果然最後食嗰塊赤身係最好食😋同埋佢啲刺身都好大件！
食完刺身之後就嚟左隻好靚嘅碟，上面係牛油果蟹肉沙律，仲有啲三文魚子同埋蕃茄粒係頂，外觀好靚👍🏻😆食落去都好新鮮～
之後就輪到師傅燒野食比我地，第一樣嚟嘅就係帶子👍🏻帶子大大粒、啖啖肉😍上面仲有啲魚子醬～就連嗰碟都係貝殼形🤩真係好靚！！
然之後就係燒法國鵝肝，厚厚嘅一塊鵝肝燒到個皮好脆，再夾落迷你漢堡包一齊食，個感覺就唔會咁油膩～而且好香🤩❤️不過都幾飽肚🙈
然後就輪到燒澳洲龍蝦🦞，龍蝦啲肉超級彈牙，仲要加埋佢地個自製嘅龍蝦膏汁，真係好入味！🤤😋
之後師傅燒咗啲蔬菜比我地食，再之後就係燒美國牛肉（有薄燒同厚燒），我叫左份5成熟嘅～ 
師傅燒完塊牛肉之後會將牛肉放上麵包吸油👍🏻😆而且，牛肉入面會有炸蒜同蔥花，令到塊牛肉更加香！更加好食！😍
食完牛肉，再嚟就係炒飯，炒飯入面有牛肉、雞蛋、蔥花等，碗飯嘅份量仲要好多，好足料～🤩
食完咁多嘢之後，就有碗麵豉湯飲下～碗湯仲要係會用返啱啱嘅龍蝦頭嚟煲～有啲龍蝦肉食下，又可以飲下湯解滯👍🏻😋
最後，就係甜品啦😍😍其中一樣係焦糖多士，甜甜地，而且入口香脆～第二樣就係日式蕨餅，加左抹茶粉同埋黃豆粉😋咬落去好煙韌～呢間灣仔板神嘅環境同埋食物質素簡直係一流，大家不妨嚟試下！👍🏻👍🏻👍🏻😋
張貼
