MAZ Thai & BBQ (已結業)

唔洗去泰國，都食到咁正宗既泰菜，環境又靚，食過灣仔幾間泰菜餐廳，覺得呢間最有質素，所以一定要開post講下今次食過既菜式：木瓜沙律木瓜絲撈埋蘿蔔絲好爽脆，配埋香辣酸甜既味道，完全刺激味覺，好開胃，仲有花生碎同腰果都豐富左口感。自家製辣酒蒜蓉蝦與其話辣，我覺得鮮味更為突出，同埋超級香噴噴既蒜蓉，連蝦殼都係勁入味，taste到少少伏特加味。金邊粉一碟粉有齊甜、酸、咸、辣味共冶一爐，食果時加DD鮮榨青檸汁仲有泰式地道風味。一啖入口最先食到係濃濃既甜味，之後就食到酸味，然後係魚露散發出既咸鮮，最後先係香料既辛辣。菠蘿炒飯有別於平時用菠蘿殼裝住炒飯既造型，但望落一樣令人心花怒放，色彩繽紛，味道酸甜超級醒胃，豐富既配料同清爽既口感幾乎無人唔鍾意食。