塩玉居酒屋 (已結業)

塩玉居酒屋俾我嘅第一印象係好適合朋友小聚嘅地方，溫馨舒適的小料理店，佈置和餐具好有日本特色，特別喜歡日本的餐具！尤其是呢度嘅杯，唔同顏色唔同樣嘅被擺埋一齊，每一款我都覺得可以擺係屋企當裝飾！塩玉嘅壽司種類都多，其中有幾款係我特別想推薦嘅蔥吞拿魚腩薄脆我估呢款應該個個黎到都會想嘗試嘅菜式，顏色望落好舒服，下面係卜卜脆嘅米通，上面個面鋪滿咗淡淡粉紅色嘅拖羅，仲有d蔥係最頂點綴。食落口感豐富，而且加埋上面有d青檸汁，好開胃！蔥吞拿魚腩卷:似乎我好中意食吞拿魚，又係吞拿魚，哈哈！不過呢款壽司同上面個款蔥吞拿魚腩薄脆，食落口感係完全唔同嘅，呢款卷物望落就係經典壽司卷物嘅樣，可以一啖一個，望落普通，但係食極唔厭，非常熱衷於紫菜包住內陷嘅壽司！呢款食落更加軟糯d燒玉子燒玉子燒嘅口感，就算唔描述，都可以想象得到，軟熟，入口蛋香味十足，令人沉醉其中，哈哈！介紹嘅呢三款壽司係我自己比較推薦嘅，次次食壽司我都會揀口感比較唔同嘅，一餐飯食到口感唔同嘅幾款壽司，好滿足~