廣豐味

營業中

休息中

雖然我已經係一個中佬，但係我都有任性嘅一面。早排，成個禮拜都係落大雨，但係我好想食位於大埔運頭街美華大廈地下嘅「廣豐味」，掛住嘅就係佢嘅雞腎。結果我就冒住滂沱大雨，走咗入去大埔。響呢個有遮都冇用嘅日子，我低住頭，一路行，一路行，終於見到舖頭著住搶眼嘅霓虹燈，我個心即刻定咗好多，因為呢塊霓虹燈牌代表今日唔會白行一趟。我叫咗兩串雞腎，一串紅腸同埋一串雞腳。兩串雞腎都有強勁嘅口感，而配合紅腸一齊食又係超級夾，雞腳夠哂入味，又令到成個組合更加圓滿。