BELLY BOYS (已搬遷) 新店位置

放工去灣仔行下，聽朋友講有間新開的burger店，一於行去望下，望見店鋪招牌寫住belly boys burger，再摸下自己的肚腩，一拍即合，二話不說，躍躍欲試。聽到店名和logo，份外親切，誠然吃貨都係有一個性感小肚腩，是一種福氣。餐牌漢堡款式算幾豐富。由於人新路不熟，我揀了Belly's Smash 漢堡同Belly's 三重漢堡兩款漢堡，都加上了combo，即係跟餐，連薯條同飲品。牛油包夾美國車打芝士、雙層牛肉漢堡、洋蔥、本地有機羅馬生菜加上秘制醬汁。smash同三重漢堡都係用相同材料，但三重就選用了三層牛肉漢堡扒。漢堡扒肉夠juicy，加上香濃醬汁同埋厚厚芝士，同埋新鮮的洋蔥生菜，多元口感滋味，一大口一大口咁咀嚼，欲擺不能！Ko漢堡後，就是薯條環節。薯條即叫即炸，香口脆脆，醮上蕃茄醬汁，飽肚滿足。飲品其實款式好多，除了可樂、芬達、雪碧，還有一款叫"紅茶花傳"的紅茶飲品，桃味紅茶唔算好甜，適合唔鐘意飲汽水的朋友仔。Belly boys burger 價格真係好親民，味道不錯，下次來灣仔再encore！