香料咖哩皇 (已結業)

自從數年前去過印度之後 ，對印度有所改觀，無論係當地嘅文化，建築物或者係食物，了解多咗。 正正這個原因就對印度食物産生興趣了。友人經常帶我去食印度嘢，今晚還專程到重𪊓大廈搵食。重慶大廈內大大小小的印度餐廳都非常出名，我在朋友中得知的都有好幾間。看過餐牌，價錢相當合理。還有二人套餐特價只二百多元。印度飲料Lassi相信食過印度嘢都會知，有點似芒果奶昔，芒果味比較濃稠，係芒痴之選。烤脆餅塊非常脆口，醮少許綠色醬料，不知當中蘊含什麼香料，辣辣地，好滋味。印度食物中我最鐘意咖哩角，餡料全部素菜，咖哩香料又濃厚，外脆內軟。香辣燒雞塊，鐵板上枱，發出吱吱聲，香氣樸鼻。雞肉比想像中的軟熟，調味又適中，好味到連伴碟的洋蔥食清光。咖哩魚又另一驚喜，伴飯或伴烤薄餅一樣咁夾。那咖哩汁好香好滑，食不停口。另一款香燒芝士菠菜都係飯或薄餅的好拍檔。印度芝士口感有點似豆腐乾，芝士味並不濃。菠菜茸越食越辣好開胃。印度黃飯粒粒分明比較乾身。蒜茸烤薄餅熱辣辣，雖然蒜味不太強，但軟熟好味。又一間另我滿意的印度餐廳，可值得推介。