侍元

營業中

休息中

荃灣食肆林立，是美食集中地。今晚在荃灣海之戀用饍，食店地方不算大，但枱和枱相隔闊落，坐得幾舒服，櫃面落完單，待響鬧器亮起取食物，省時快捷。蒲燒鳗魚飯有幾塊鳗魚舖在飯面，珍珠米沾滿特製醬汁，鳗魚幾軟滑，食落唔會太肥腻 。 黑武士拉麵 蒜味豉油湯底配以木耳絲和粟粒，味道適中不太鹹和濃味，熱辣辣麵質相當彈牙，有一塊薄切义燒，夠腍滑入味，糖心蛋夠香滑軟熟。兩份套餐配以炸雞及泡菜和凍檸茶，炸雞有兩大件，外皮鬆脆得嚟肉汁好豐富，嫩滑可口。泡菜亦很惹味爽脆，不會太辣。餐牌陳設颇精美，幾有心思，難得大衆化價錢也有一定質素，是大家嘅滋味食堂。