阿來泰式地道風味 (已結業)

今次去到長沙灣嘅新開嘅《阿來泰式地道風味》，之前分店試過都幾好食，就幫襯下先。餐廳午市時間已經非常爆滿，餐廳門口非常方便可以泊車，等左唔夠五分鐘就有位。午市套餐都非常多選擇，還有全日套餐同埋湯粉麵套餐，餐牌上仲有多款散叫食物。首先我們先叫一個「生蝦刺身」有八隻，配以一碟泰式辣醬，生蝦口感爽口彈牙，非常新鮮。套餐方面叫咗「香辣肉碎煎蛋伴白飯」，賣相非常吸引，碎肉有少少辣，配以一粒粒嘅辣椒、豆同埋煎蛋，食落去好滋味，味道剛剛好。套餐配以一杯飲品，加兩蚊就要左杯「凍檸茶」，凍檸茶帶一點苦澀，茶味濃郁。另外再叫咗一個椰青。最後都未夠喉，叫咗一個「馬拉盞炒通菜」，通菜非常入味，食落去爽口新鮮。食咗咁多野，最後都只係$200左右埋單，食物有正宗泰式味道，值得一試。