PizzaExpress Lab (Fashion Walk) (已結業)

平日難得放假，去銅鑼灣探朋友順道食tea。朋友提議食Pizza，揀咗比較偏僻人流較少在Fashion Walk 的「PizzaExpress Lab」坐低慢慢食慢慢傾。餐廳內呈長形，一邊更有獨立間隔Party Room，亦設有戶外座位，感覺休閒。☘️☘️朋友和我都喜歡少肉多菜飲食，今日目標揀咗幾款素食試吓新口味😋粉紅色新餐牌特別注目，原來每惠顧餐牌中嘅一款食品，餐廳會捐出$8比「癌症基金會」的乳癌支援服務，一定要支持下喇只係舉手之勞。招牌焗麵包球配士多啤梨忌廉好喜歡這裏嘅焗麵包球，外脆內軟有層次。士多啤梨忌廉醬唔會太甜，酸酸地好creamy，吃多也不膩😍Giardiniera 蔬菜芝士薄餅🍕🍕以大量健康蔬菜作餡料，有烤茄子、烤南瓜、雜錦蘑菇、橄欖、烤燈籠椒、新鮮羅勒、馬蘇里拉芝士及忌廉番茄醬。特別喜歡烤燈籠椒，清甜又有烤焦嘅味道！而南瓜蓉香甜配合酸酸地嘅忌廉蕃茄醬，素得來味道依然豐富。牛肝菌羽衣甘藍螺絲粉有我最喜歡嘅牛肝菌，除了黑松露，味道是最突出的菇菌，配意粉尤其出色。白色的是水牛芝士，芝士味較清新冇加調味，柔軟有韌度亦令蔬菜添上清新嘅芝士味。這裏嘅意粉絕少加鹽調味，重口味嘅人未必適合。