影片
更多
2017-08-07
2056 瀏覽
朋友知道我鍾意食蟹，今晚特登約我去食好嘢，話我一定會鍾意。餐廳裝修好簡約，好舒服，我地點咗Holy Crab One ，好吸引，好抵食，一於同朋友試吓。先有六小缽，有海鹽枝豆，酸辣羅勒海蜆，虎蝦配芒果慕斯，柚子醋海藻沙律，蟹子日式凍豆腐，蟹肉玉子燒。好特別用個木盤裝住，望落去樣樣都好食。個酸辣羅勒海蜆幾清新，酸酸地辣辣地好惹味。不過我最鍾意蟹玉肉子燒最正，有蟹肉嘅鮮味，又有蛋香，好食。虎蝦配芒果慕斯，虎蝦好爽，配埋芒果汁，好消暑嘅小食。芝士蟹肉釀蟹蓋 （配三文魚子，白飯魚乾片），熱辣辣，面頭焗到金黃色，裡面係啖啖芝士蟹肉，仲有惹味嘅洋蔥，好脆卜卜嘅白飯魚片，趁熱食，好滋味。蟹肉芬奴意式烤麵包，一碟兩件，多士烤到好脆，上面有勁多蟹肉，配菜仲有火箭菜同蟹子，蟹肉又有鮮味，朋友勁愛。海鮮膏蟹拼盤（配香草牛油汁），有帆立貝，大蜆，青口，海蝦，魷魚，仲有粟米，紅蘿蔔，小椰菜，真係好豐富，先食個蟹，蟹蓋好多蟹膏，啱晒我胃口，而蟹身又啖啖肉，食晒佢都飽晒，大蜆都好好食，好大粒，D肉又嫩，加埋個香草牛油汁，勁滿足。個餐仲有甜品抹茶布甸，茶味好濃，又唔會好甜，好好食。Holy Crab One 個餐好抵
先有六小缽，有海鹽枝豆，酸辣羅勒海蜆，虎蝦配芒果慕斯，柚子醋海藻沙律，蟹子日式凍豆腐，蟹肉玉子燒。好特別用個木盤裝住，望落去樣樣都好食。個酸辣羅勒海蜆幾清新，酸酸地辣辣地好惹味。不過我最鍾意蟹玉肉子燒最正，有蟹肉嘅鮮味，又有蛋香，好食。虎蝦配芒果慕斯，虎蝦好爽，配埋芒果汁，好消暑嘅小食。
芝士蟹肉釀蟹蓋 （配三文魚子，白飯魚乾片），熱辣辣，面頭焗到金黃色，裡面係啖啖芝士蟹肉，仲有惹味嘅洋蔥，好脆卜卜嘅白飯魚片，趁熱食，好滋味。
蟹肉芬奴意式烤麵包，一碟兩件，多士烤到好脆，上面有勁多蟹肉，配菜仲有火箭菜同蟹子，蟹肉又有鮮味，朋友勁愛。
海鮮膏蟹拼盤（配香草牛油汁），有帆立貝，大蜆，青口，海蝦，魷魚，仲有粟米，紅蘿蔔，小椰菜，真係好豐富，先食個蟹，蟹蓋好多蟹膏，啱晒我胃口，而蟹身又啖啖肉，食晒佢都飽晒，大蜆都好好食，好大粒，D肉又嫩，加埋個香草牛油汁，勁滿足。
個餐仲有甜品抹茶布甸，茶味好濃，又唔會好甜，好好食。
Holy Crab One 個餐好抵食，另外佢仲有個Holy Crab Two 都好吸引，諗住下個禮拜再同朋友離試埋佢。
張貼
