Interval | Farmacy (數碼港商場) (已結業)

同同事嚟數碼港商場食午餐，餐廳喺商場嘅二樓，平時都見佢有好多人嚟食，所以今日一到lunch hour，我哋就即刻衝落嚟。炭烤雞排🐓，下面擺咗烤薯仔🥔，薯仔吸咗雞肉嘅味道，令薯仔多咗雞肉味，而且呢道菜有兩個醬汁，一個醬汁係好清嘅白汁，比較柔滑，另外一個就有份比較重嘅，個比較清爽，但係兩個都好好味。意式肉醬大通粉，非常鍾意食肉醬意粉，所以呢一個肉醬大通粉都非常啱我口味，肉醬醬汁非常濃郁，仲有新鮮嘅蕃茄肉🍅，洋蔥🧅和餐廳自家培植香草，認真新鮮！油封三文魚非常特別，之前食嘅油封，感覺通常都係比較乾嘅，唔會有太多醬汁。佢呢個油封三文魚嘅三文魚都係乾嘅，但係佢就有好多醬汁伴碟，所以就非常特別。三文魚啲油好多已經被迫出嚟，同埋幫我好得蔬菜嘅醬汁一齊食，非常好味。