人和月雞煲火鍋店 (已結業)

今日同友人慶祝生日，有朋友介紹人和月雞煲，地點方便，响正海防道，地方又企理乾淨，所以就去試下。入到餐廳，客人唔算多，地方細細但十分企理闊落。侍應哥哥態度好好，招呼完坐底就介紹下有咩食，問我地食咩，其實黎之前已經決定左想食韓式芝士雞煲。等緊個煲上既時候就睇下出面有咩揀，雪櫃有四款自家製飲品，我地試左兩款，洛神花同玫瑰茉莉，兩款都似乎係無糖飲品，十分健康。另外有荔枝同鳳梨烏龍茶，呢啲就會甜甜地，都好好飲，另外仲有汽水同啤酒飲。醬料吧都好整齊，該有既都齊備。自己夾既食物並不太多，全部有蓋冚好，其他就用QR code落單。韓式芝士雞煲上枱，滿滿芝士見到都流口水🤤隔一陣侍應就提我哋要搞一搞個煲，一搞芝士就融化哂，啲雞包滿甜甜辣辣既芝士醬，真係超級好味。我哋不停叫自己食慢啲，驚食太快會飽哂，但實在食到停唔到口，眨眼就食哂。食完之後唔駛叫侍應就自動黎問要咩火鍋湯底，我地揀左沙嗲湯底，好香沙嗲味但唔會好油。牛肉亦一早上枱，總共有5款牛，我比較喜歡牛板腱，好香肉味，雪花肥牛亦唔算好肥，岩哂我，比較特別係牛胸爽，好少見，咬落好似肥豬肉，但朋友話好重肉味，好正。另外仲有其他火鍋食品，要讚響鈴好好食，係比較厚