來多碗車仔麵 (康寧道) (已搬遷) 新店位置

今日心血來潮好想食車仔麵，上網搵吓有冇邊啲車仔麵比較有特色，又近近地，見到呢間喺地鐵站附近，所以就決定去試吓啦。睇睇佢嘅餐牌見到除咗有車仔麵之外，仲有特色小食，好耐冇食過辣嘅我見到有麻辣鴨血，真係食指大動！大量韭菜底嘅麻辣鴨血好惹味，啲韭菜亦都好新鮮好好口感。十分開胃! 我叫咗個油麵，車仔餸方面我叫咗豬腸、豬耳，冬菇、雞翼尖同埋通菜，你豬腸好入味，豬耳好爽口，冬菇夠晒厚肉，而啲雞翼尖同埋通菜都做得唔錯。飲埋罐可樂，個人好舒服好滿足！