四季文昌 (已結業)

今晚同舊同學食飯聚舊， 梗係揀間好嘢食㗎喇。班同學又想打邊爐， 因為貪其可以慢慢食、慢慢傾， 於是上openrice左搵又搵， 畀我搵到間太仔食特色嘅火鍋，即四季文昌，主打特色湯底，由椰子水作湯底，配上馳名嘅原味海南椰子文昌雞煲， 未食已知係滋味無過人。原隻文昌雞， size確實不細， 面頭有幾塊椰子， 未食其他配料之前，先嚟食這隻文昌雞。 滾了大概十數分鐘，已經聞到椰香嘅湯味， 飲一啖分外清甜 ，而雞的口感非常嫩滑 ，肉質吸收了椰子及椰子水嘅湯味，分外鮮甜，雞味十足， 每人分享到六、七塊雞確實滿足無比。食過雞後，已經飽了七成，當然還有其他配料。先後分別點了 黑松露鮮蝦福袋、紫菜響鈴、七彩芝士流心丸和玫瑰花拼盤。 豐富極要，一於大飽口福。配料以黑松露鮮蝦福袋較為特色， 大量嘅黑松露金香味，配上了鮮爽嘅蝦肉， 食落雙重味道、雙重感覺， 非常特別，很特色的一道配料。而玫瑰花拼盤， 單看賣相已經極為吸引， 有豬有牛，肉質非常新鮮， 口感以豬頸肉較為 爽彈，肉味濃烈，味道好正。 最後紫菜響鈴，單食響鈴而非常香口，而響鈴入面還包上一層紫菜， 這樣嘴刁嘅食法真係第一次品嚐。 紫菜響鈴只需滾幾秒，吸