重慶劉一手火鍋店 (已結業)

之前都食過一次重慶劉一手，覺得幾高質今次再返嚟試吓佢哋新出嘅養生系列🍲湯底係膠原養生鍋，材料有遼參，花膠，淮山，杞子同埋竹絲雞🐓，湯料勁足料，遼參同花膠食極都仲有，雞湯飲落重勁重膠質🤤，感覺超滋補🥰火鍋配料方面，試咗兩種魚🐟🐟，分別係原條石蚌魚同埋龍躉，龍躉肉質結實，石蚌魚肉質就比較嫩滑，食落都比較有魚味😋肉類方面，就叫咗牛頸脊🐂同埋羊肉片🐏，牛頸脊超好食呀，雪花均勻，食落軟綿綿，有少少入口即溶嘅感覺🤤蔬菜方面🥬，叫咗個蝦膠釀竹笙，蓮藕片，秋葵，淮山同蘆筍，竹笙，蓮藕片同埋淮山索晒啲雞湯味，好食呀👍🏻另外仲叫咗個菠菜魚蛋，食落個口感同平時啲魚蛋唔同，不過幾得意幾好食😆仲叫咗個薑汁豬肝同鴨血，豬膶就見得多，薑汁豬膶就真係第一次見😯飲品方面🍹，試咗個火龍果奇異果汁🥝，仲有菠菜奇異果汁🥝，兩杯都係鮮榨果汁，飲落好新鮮好fresh🤗甜品仲食埋佢個蘆薈桂花冰粉🌸，好滿足呀🤭🤭