漁民麵館 (已結業)

早陣子路過荃灣開了一間新食店，原來是元朗一間出名名店，於是星期六放工就決定去試試看。路德圍一向都是美食熱點，所有識食一族全部都知道，所以久不久就會有新餐廳加入。餐廳門口光猛潔淨，內裏裝修有少少中國風。餐牌選擇雖然不算太多，但大多滋補養生既食材，最適合一種女士們。花膠蠔汁撈麵（粗麵）花膠入味又夠厚身，入口膠質非常重，冬菇大大粒，而且炆到非常軟嫩入味，粗麵爽口彈牙，撈埋蠔汁同吃，更加滋味。桃膠奶凍用上樽仔盛裝，外型討好，奶味香濃入口順滑，桃膠用桂花煮過仲非常香甜，啫喱般嘅口感，滑滑溜，非常順喉。價錢親民，用料足，完全令我一試愛上，下次要帶埋老公一齊去補一補先。