影片
更多
2006-07-10
66 瀏覽
捱左咁耐終於病倒了喉嚨痛對我黎講係好大件事因為之後必定感冒鼻水長流好肉酸好煩其實捱都未必出病最衰就係上個禮拜六睇波期間肚餓整左個杯麵之後飲唔夠水就出事我有一對喉痛孖寶分別係杯麵同飛x子薄荷糖萬試萬靈次次食完都中招下次真係唔敢未流鼻水之前先黎三不賣整杯葛菜水先食晚飯葛菜水本身比較滋陰無廿四味咁剛烈呢度既葛菜水就更加無一般葛菜水既羅漢果味更加易入口最特別就係整個交易過程猶如買老翻一企定係阿姐面前除非你出聲話要一支($22)佢就自動勺一碗係你面前自己飲完俾錢就行開仲有落鹽其實並唔係為左吊味而係用黎加強下火既功效呢樣野係另外一間涼茶舖既老闆教既可惜今次飲得太遲結果都係要睇醫生宜家食左藥好眼訓…
喉嚨痛對我黎講係好大件事
因為之後必定感冒鼻水長流好肉酸好煩
其實捱都未必出病
最衰就係上個禮拜六睇波期間肚餓整左個杯麵
之後飲唔夠水就出事
我有一對喉痛孖寶
分別係杯麵同飛x子薄荷糖
萬試萬靈次次食完都中招下次真係唔敢
未流鼻水之前先黎三不賣整杯葛菜水先食晚飯
葛菜水本身比較滋陰無廿四味咁剛烈
呢度既葛菜水就更加無一般葛菜水既羅漢果味
更加易入口
最特別就係整個交易過程猶如買老翻
一企定係阿姐面前
除非你出聲話要一支($22)
佢就自動勺一碗係你面前
自己飲完俾錢就行開
仲有落鹽其實並唔係為左吊味
而係用黎加強下火既功效
呢樣野係另外一間涼茶舖既老闆教既
可惜今次飲得太遲
結果都係要睇醫生
宜家食左藥好眼訓…
張貼