孖寶去骨海南雞 (Go Go Mall)

營業中

休息中

今日嚟到屯門見客，見到屯門嘅食肆真係好多好多，而且好多好友特色嘅美食。今日我就揀咗呢間食海南雞嘅餐廳，食飯時間人客唔算好多，但係喺櫥窗我見到一隻隻光鮮嘅雞掛咗喺度，令到我垂涎三尺，咁就吸引左我入去啦。我點左一個細嘅海南雞飯，佢哋做嘅海南雞好有水準，海南雞肉超級嫩滑，又有雞味，就算連雞胸肉嘅位置都唔會好鞋，一樣咁嫩滑，嫩滑嘅雞再配上油飯，味道一流呀而且佢個湯都吾差嫁，係南瓜湯，仲有隻雞腳，南瓜湯都好甜好濃郁，最緊要嘅係飲完會覺得好口渴。