丼丼屋 (德福廣場) (已結業)

對丼丼屋有良好的印象， 份量多又抵食，味道仲唔錯添！ 今次點的兩個丼～滑蛋龍蝦丼$108、 滑蛋和牛丼$78， 然後再追加沙律定食$18、 大阪燒風玉子卷定食$28、 迷你泡芙$13。滑蛋龍蝦丼～ 半隻龍蝦， 龍蝦肉質爽口甜美，綿綿的滑蛋餸飯最好。滑蛋和牛丼～ 豐富的和牛和滑蛋鋪滿成個碗， 多汁的感覺特別好吃。沙律定食～ 加$18有沙律、麵豉湯和甜品， 沙律菜新鮮， 麵豉湯熱辣辣， 又不會過鹹。大阪燒風玉子卷定食～ 玉子卷綿滑，面層有少少沙律醬更加惹味。迷你泡芙～ 最後食個迷你泡芙做甜品， 細細粒又唔會好膩。抵食又大份的丼丼屋， 食過幾間分店品質都很好，推介。