滿屋日本料理 (已結業)

真係好耐好耐冇食過放題啦，因為平時啲放題既質素都幾參差吓，唔係間間得🙉今日有朋友生日提議話想食放題，咁就梗係生日大晒啦！咁呢間放題就係出名多好嘢食既銅鑼灣，又幾多好評，希望有返咁上吓😆咁呢度既壽司同刺身都超多選擇，因為我勁鐘意食帶子就狂叫北海道帶子，呢度既貨好新鮮吓幾正，溶雪冇問題唔會有冰👍🏻狂食帶子已經回本😆呢度既壽司d飯都唔錯，唔會太硬🍣炸物係即炸，新鮮脆口！串燒方面，佢都有好多選擇，包括燒雞肉、雞軟骨、牛舌、大蝦等等、應有盡有。串燒雞肉調味都唔錯，有少少沙嗲醬嘅味道，加埋火炙焦香，比得上出面泰國餐廳單點嘅串燒。而雞軟骨比較乾，不過亦算可以一試，大蝦就係用鹽嚟調味，簡單得嚟都算惹味。甜品嘅選擇都有幾多，除咗常見嘅哈根大師同Dryer’s 之外，更加有一啲比較高級嘅自助餐先至會有嘅movenpick，不過雪得比較硬，放一陣先食就啱啱好，完滿呢個超飽又好滿足既一餐🍨