影片
更多
2024-03-29
89 瀏覽
上個月朋友book咗呢間餐廳同我慶祝生日！ 但係我唔舒服改咗今日😫期待已久。餐廳主打新派Fusion台式菜，我地係去左銅鑼灣分店，裝潢以台灣鐵路同埋原住民元素為主題，精心既設計，充滿少女心。環境靚之外，食物質素都唔錯。🧀松露玉米超司蛋餅 $98蛋餅都有勁多款，睇到心大心細！有髒髒鹹蛋黃芋泥、海鮮炒王子麵、明太子麻糬雞蛋餅等，十分有創意。我地叫左松露味，餅好軟彈薄身，餡料係滿滿既粟米，仲有芝士拉絲，十分足料滿足。三色鹽酥雞 (柚子/松露/水牛城) $128金黃色既鹽酥雞炸得好酥脆，咬落啖啖肉勁香口惹味，而且嫰滑多汁。伴碟有柚子、松露、水牛城三隻醬，可以因應自己既喜好沾上醬汁。柚子酸酸甜甜，好清新。松露香氣非常濃郁，絕對係perfect match。水牛城醬酸酸辣辣，非常開胃，愈食愈惹味。招牌魯肉飯 $68魯肉飯都有好多款，有創新既松露味、肉鬆皮蛋、櫻花蝦麻辣味等。而我地都係揀番傳統既招牌魯肉飯。肥豬肉肥而不膩，加上香濃醬汁，甜鹹適中。半熟流心溏心蛋亦十分入味。芋泥三Q拿破崙 $108超級邪惡既拿破崙！酥皮極酥脆，面頭撒左啲鹹蛋黃碎，中間夾住濃厚綿密芋泥餡 、Q軟麻糬同埋鹹香肉鬆，口感層次
🧀松露玉米超司蛋餅 $98
蛋餅都有勁多款，睇到心大心細！有髒髒鹹蛋黃芋泥、海鮮炒王子麵、明太子麻糬雞蛋餅等，十分有創意。我地叫左松露味，餅好軟彈薄身，餡料係滿滿既粟米，仲有芝士拉絲，十分足料滿足。
三色鹽酥雞 (柚子/松露/水牛城) $128
金黃色既鹽酥雞炸得好酥脆，咬落啖啖肉勁香口惹味，而且嫰滑多汁。伴碟有柚子、松露、水牛城三隻醬，可以因應自己既喜好沾上醬汁。柚子酸酸甜甜，好清新。松露香氣非常濃郁，絕對係perfect match。水牛城醬酸酸辣辣，非常開胃，愈食愈惹味。
招牌魯肉飯 $68
魯肉飯都有好多款，有創新既松露味、肉鬆皮蛋、櫻花蝦麻辣味等。而我地都係揀番傳統既招牌魯肉飯。肥豬肉肥而不膩，加上香濃醬汁，甜鹹適中。半熟流心溏心蛋亦十分入味。
芋泥三Q拿破崙 $108
超級邪惡既拿破崙！酥皮極酥脆，面頭撒左啲鹹蛋黃碎，中間夾住濃厚綿密芋泥餡 、Q軟麻糬同埋鹹香肉鬆，口感層次豐富，鹹鹹甜甜好過癮。
蜂蜜苦瓜汁 $48
有少少草青味，帶回甘。
芋泥牛乳 $55
芋泥好厚身，口感粉糯綿密，帶本身既甜味，加上牛乳飲起黎濃稠順口。
張貼
